2019թ. ապրիլի 19-29-ին տեղի ունեցան 2018-2019 ուստարվա համար նախատեսված մասնագիտական կողմնորոշման վերջին զրույցները:

 Դրանք կայացան Նոյեմբերյանի և Բերդի տարածաշրջանների մի շարք դպրոցների (Նոյեմբերյանի և Բերդի ավագ, Կողբի թիվ 1, թիվ 2, Բերդավանի, Բաղանիսի, Կոթիի, Ջուջևանի, Ոսկեվանի, Նորաշենի, Վ.Կ.Աղբյուրի, Այգեձորի, Չինարիի, Արծվաբերդի միջնակարգ) 11-րդ և 12-րդ դասարանների աշակերտների հետ, ինչպես նաև Բերդի պետական քոլեջի ուսանողների հետ:

Զրույցները վարեցին Մասնագիտական կողմնորոշման և պրակտիկայի կազմակերպման բաժնի վարիչ, պ.գ.թ, ասիստենտ Լիաննա Բեգինյանը, նույն բաժնի տեսուչ, Ընդհանուր մաթեմատիկայի և բնագիտության ամբիոնի դասախոս Սլավիկ Ալավերդյանը, Հայոց լեզվի և գրականության ամբիոնի դոցենտներ, բ.գ.թ. Աիդա Սարհատյանը, բ.գ.թ. Ալիսա Հասանյանը և բ.գ.թ. Վահան Աղաբաբյանը, Ընդհանուր տնտեսագիտության ամբիոնի դասախոս Արփինե Եգանյանը, Հայոց պատմության և հասարակագիտության ամբիոնի ասիստենտ Արա Ազատյանը:

Մասնագիտական կողմնորոշման զրույցների ընթացքում ԵՊՀ ԻՄ-ի աշխատակիցները ներկայացրին բուհի մասնագիտությունները և դրանց ընձեռած հնարավորությունները, բաժանեցին բուկլետներ և տեղեկատվական թերթիկներ, պատասխանեցին աշակերտների հարցերին:

Նույն ժամանակահատվածում մասնագիտական կողմնորոշման նպատակով պատմության բաց դաս իրականացվեց Իջևանի ավագ դպրոցի 12-րդ դասարանի աշակերտների համար, որը վարեց Հայոց պատմության և հասարակագիտության ամբիոնի վարիչ, պ.գ.թ., դոցենտ Դավիթ Թինոյանը:

Մայիսի 6-ից մեկնարկում է դիմորդների փաստաթղթերի ընդունման գործընթացը, որը կտևի մինչև հունիսի 1-ը ներառյալ: Մանրամասները տե՛ս այստեղ :