2019թ. ապրիլի 27-ին Ծիծեռնակաբերդի հուշահամալիրում իրականացվեցին Հայոց ցեղասպանության անմեղ զոհերի հիշատակին նվիրաբերված ծաղիկների վերամշակման աշխատանքներ, որոնց մասնակցեցին ԵՊՀ ԻՄ-ի համայնքային զարգացման կամավորական խմբի անդամները:
2010 թվականից ի վեր՝ իրականացվում է ծաղիկների վերամշակման, դրանց «երկրորդ կյանք» տալու գործընթացը, որի ժամանակ բոլոր ծաղիկները խնամքով հավաքվում և տեղափոխվում են հուշարձանի հետնամաս, առանձնացվում են ցողունն ու ծաղկաթերթիկները:
Ծաղիկների ցողուններից պատրաստվում է պարարտանյութ` Ծիծեռնակաբերդի հուշահամալիրի այգիների մշակման համար, իսկ ծաղիկների չորացված թերթիկներն օգտագործվում են թղթի վերամշակման և ձեռքով պատրաստված բացիկների ձևավորման համար:
Այդ թուղթն օգտագործվում է նաև Հայոց ցեղասպանության թանգարան-ինստիտուտի կողմից` հուշագրերի, շնորհակալագրերի և հրավիրատոմսերի համար:
Опубликовать материал
