2019թ. մարտի 28-ին ԵՊՀ Իջևանի մասնաճյուղում տեղի ունեցավ «Մարդկային ռեսուրսների կառավարում» թեմայով քննարկում, որը վարում էր «Պենտա» ընկերության կառավարման և զարգացման խորհրդատու, անհատ ձեռնարկատեր, ֆիզ.մաթ. գիտ. թեկնածու Կարեն Սարգսյանը: Նա ՄՌԿ սերտիֆիկացիան ստացել է 2003թ., մասնավորների համար իրականացրել է ՄՌԿ թրեյնինգներ և խորհրդատվություն՝ սկսած 2006 թվականից, ունի կազմակերպությունների զարգացման և փոփոխությունների կառավարման գործնական փորձառություն:
Քննարկմանը մասնակցում էին ԵՊՀ Իջևանի մասնաճյուղի ստորաբաժանումների ղեկավարները և աշխատակիցներ:
«Մարդկային ռեսուրսների կառավարում» թեմայով քննարկման ընթացքում խոսվեց մոտիվացիայի մասին՝ որպես զարգացման գործիքի:
Ներկայացվեցին մարդկային ռեսուրսների կառավարման հիմնական բաղադրիչները և դրանց փոխկապակցվածությունը կազմակերպության գործունեության փուլերի հետ:
ԵՊՀ ԻՄ-ի աշխատակիցների մասնակցությամբ ծավալվեց ակտիվ քննարկում:
Բուհում մարդկային ռեսուրսների կառավարումը բարելավելու հարցի շուրջ մասնակիցներն արտահայտեցին իրենց տեսակետները և հանդես եկան առաջարկներով:
Опубликовать материал
