2019թ. մարտի 12-ին և 13-ին ԵՊՀ ԻՄ-ի հայոց լեզվի և գրականության ամբիոնի դոցենտներ Ա.Սարհատյանը և Ա.Հասանյանը ակնարկային դասախություններ վարեցին Իջևանի վարժարանում և Իջևանի ավագ դպրոցում:
Վարժարանի 10-րդ դասարանի աշակերտների համար դասախոսություն կարդաց Հայոց լեզվի և գրականության ամբիոնի դոցենտ, բ.գ.թ. Աիդա Սարհատյանը, իսկ ավագ դպրոցի 12-րդ դասարանի հումանիտար հոսքի աշակերտների համար՝ նույն ամբիոնի դոցենտ, բ.գ.թ. Ալիսա Հասանյանը:
Նրանք խոսեցին հայոց լեզվի և գրականության դերի ու նշանակության, առօրյա խոսքում հանդիպող սխալների, գրական լեզվի և բարբառների առնչությունների, խոսքի մշակույթի, ընթերցանության և աշակերտներին հետաքրքրող լեզվական այլ հարցերի վերաբերյալ:
ԵՊՀ ԻՄ-ի ներկայացուցիչները նաև անդրադարձան մասնագիտական կողմնորոշման խնդիրներին, աշակերտներին ներկայացրին բուհում գործող մասնագիտությունները և դրանց ընձեռած հնարավորությունները:
Опубликовать материал
