2018թ. հունիսի 28-ին ՀՀ-ում Ֆրանսիայի Հանրապետության դեսպանատանը տեղի ունեցավ Հայաստանի Հանրապետության ֆրանսերեն լեզու դասավանդողների ժողով:
ՀՀ-ում Ֆրանսիայի արտակարգ և լիազոր դեսպան պարոն Ժոնաթան Լաքոտի հրավերով ժողովին մասնակցում էին նաև ԵՊՀ Իջևանի մասնաճյուղի ֆրանսերեն լեզվի և գրականության ամբիոնի դասախոսները:
Պարոն Ժ.Լաքոտը ողջունեց ժողովի մասնակիցներին, նրանց մաղթեց հաջողություններ ու ձեռքբերումներ ֆրանսերենի ուսուցման և տարածման գործում:
Նա խոսեց հոկտեմբերի 11-13-ը Երևանում կայանալիք Ֆրանկոֆոնիայի գագաթնաժողովի մասին՝ ընդգծելով այն վիթխարի նշանակությունը, որ կարող է ունենալ գագաթնաժողովը Հայաստանի Հանրապետության և հայ ժողովրդի կյանքում:
Կարևորելով ֆրանսերեն դասավանդողների աշխատանքը ֆրանկոֆոնիայի տարածման գործում՝ պարոն Ժ.Լաքոտը հայտնեց դեսպանատան պատրաստակամությունը նրանց աջակցելու գործում:
Ֆրանսերեն լեզվի և գրականության ամբիոնի դասախոսների հետ զրույցում դեսպանը նշեց, որ ինքը եղել է Իջևանում Եվրոպայի տոնի օրերին: Մասնաճյուղի դասախոսները դեսպանին հրավիրեցին հնարավորության դեպքում այցելել ԵՊՀ Իջևանի մասնաճյուղ:
Опубликовать материал
