2021թ. դեկտեմբերի 18-ին ԵՊՀ ԻՄ-ում գործող «Ամերիկյան գրադարան և դասընթացների կենտրոն»-ում տեղի ունեցավ Ամանորին և Սուրբ Ծննդյան տոներին նվիրված միջոցառում, որը կազմակերպել էր Օտար լեզուների ամբիոնի վարիչ բ.գ.թ., դոցենտ Ք.Հարությունյանը:
Ամանորյա միջոցառմանը մասնակցում էին «Օտար լեզու և գրականություն» մասնագիտության առաջին կուրսի ուսանողները:
Միջոցառման ընթացքում անգլերենով ներկայացվեցին եվրոպական, ասիական և լատինաամերիկյան երկրներում Ամանորի և Սուրբ Ծննդի ավանդույթները, դրանց ծագումը, ամանորյա խորհրդանիշները:
Այնուհետև այդ երկրների ավանդույթների միջև անցկացվեց համեմատություն, ընդգծվեցին աղերսները և տարբերությունները:
Հնչեցին Ամանորին նվիրված հեքիաթներ, պատմվածքներ, բանաստեղծություններ և երգեր:
Ուսանողները նաև պատրաստել էին ամանորյա ավանդական աղանդեր, և անցկացվեց մրցույթ, որի ընթացքում 2 խմբերը ներկայացրին և ընտրեցին լավագույն թխվածքը:
Միջոցառման վերջում ուսանողները խաղացին «Գաղտնի Սանտան» խաղը, որի ընթացքում իրար փոխանցեցին նվերներ:
Տարածել նյութը
