Ո՞վ ենք մենք.

«Դասավանդի՛ր, Հայաստան»-ը կրթական հիմնադրամ է, որի նպատակն է Հայաստանի եւ Արցախի բոլոր երեխաներին, անկախ նրանց գտնվելու վայրից ու սոցիալական պայմաններից, ապահովել հավասար ու որակյալ կրթությամբ։

Ի՞նչ ենք անում.

«Դասավանդի՛ր, Հայաստան»-ի Առաջնորդության զարգացման ծրագրին միացած մեր մասնակիցների` ուսուցիչ-առաջնորդների հետ միասին մենք ձգտում ենք լրացնել մարզային շատ դպրոցներում առկա ուսուցիչների պակասը, երեխաներին ապահովել գերազանց կրթությամբ, ինչպես նաեւ էական փոփոխություններ ու զարգացումներ բերել համայնքներում` բազմաբնույթ ծրագրերի իրականացման միջոցով։

Ինչպե՞ս.

Ներգրավելով մեր շարժմանը տարբեր մասնագիտության տեր վառ անհատների, վերապատրաստելով նրանց որպես ուսուցիչ-առաջնորդների եւ տեղակայելով նրանց տարբեր համայնքներում, որտեղ նրանք երկու տարի ժամկետով

• դասավանդում են դպրոցում,
• կազմակերպում են արտադասարանային խմբակներ,
• իրականացնում են համայնքի զարգացման ծրագրեր։

Մասնակցության առավելություններ.  

• անվճար մագիստրատուրա՝ մանկավարժական ուղղությամբ,
• 000 դրամ ամսական դրամական աջակցություն ի հավելումն դպրոցի աշխատավարձի,
• ընդարձակ վերապատրաստման ծրագիր (առաջնորդություն, նախագծերի կառավարում և այլն),
• մեր գործընկեր կազմակերպություններում մասնագիտական զարգացման հնարավորություն,
• մարզային համայնքների զարգացմանը նպաստելու հնարավորություն,
• նորարար մտքերը եւ նախագծերը իրականացնելու հարթակ,
• կարիերայի զարգացման հնարավորություն:

Մանրամասների համար կարող եք անցնել հետևյալ հղումով:

«Դասավանդի՛ր, Հայաստան»-ի՝ ավարտական կուրսի ուսանողների համար նախատեսված կրթաթոշակի ծրագիրը կարող եք տեսնել այստեղ:

Հարցերի կամ հետաքրքրության դեպքում կարող եք դիմել Անժելա Ավագյանին (էլ. հասցե՝ anzhela.avagyan@teachforarmenia.org,  հեռ.՝ 041530039):

«ԴԱՍԱՎԱՆԴԻ՛Ր, ՀԱՅԱՍՏԱՆ» ԿՐԹԱԿԱՆ ՀԻՄՆԱԴՐԱՄ