Հարգելի՛ համալսարանականներ, ԵՊՀ ԻՄ-ի տնօրենի պաշտոնակատար Ա. Հ. Մակարյանի հրամանով մասնաճյուղի առկա ուսուցման ավարտական կուրսերի՝ 2019-2020 ուստարվա 2-րդ կիսամյակի քննաշրջանը կանցկացվի ս.թ. ապրիլի 15-25-ը ժամանակահատվածում:

Քննությունները կիրականացվեն Zoom հարթակում՝ ամբիոնների նիստերում քննարկված ձևաչափերով և հարցաշարերով, որոնց վերաբերյալ ուսանողները նախօրոք տեղեկացվել են դասախոսների կողմից։ Քննաշրջանի ժամանակացույցները հասանելի են հետևյալ հղումներով․

• Բնական գիտությունների ֆակուլտետ,
• Տնտեսագիտության ֆակուլտետ,
• Հումանիտար գիտությունների ֆակուլտետ,
• Կիրառական արվեստի ֆակուլտետ:

Համաձայն ԵՊՀ ԻՄ-ի տնօրենի պաշտոնակատարի մեկ այլ հրամանի՝ հեռակա ուսուցման ավարտական կուրսերի հետաձգված դասերը կշարունակվեն իրականացվել Zoom հարթակում ս.թ. ապրիլի 15-ից՝ 2 շաբաթ ժամանակահատվածով: Դասախոսներն իրենց էլեկտրոնային հասցեներին ստացել են դեպի հարթակ մուտքի լոգինը և գաղտնաբառը՝ դասընթացները կազմակերպելու իրավունքով, իսկ ուսանողները՝ դասընթացների մուտքի իրավունքով հղումները։ Հեռակա ուսուցման ավարտական կուրսերի դասացուցակները հասանելի են մասնաճյուղի կայքէջի «Հեռակա ուսուցման բաժին» էջում։

Նույն ժամանակամիջոցում Zoom հարթակում կանցկացվի նաև հեռակա ուսուցման ավարտական կուրսերի 1-ին կիսամյակի քննաշրջանի առաջին լուծարքային շրջանը: Քննությունների անցկացման ժամանակացույցը հասանելի է այստեղ։