2019թ. փետրվարի 23-ին ԵՊՀ Իջևանի մասնաճյուղի հումանիտար գիտությունների ֆակուլտետում կայացավ Սուրբ Վալենտինի և Սուրբ Սարգսի տոներին նվիրված միջոցառում, որը կազմակերպել էր Անգլերեն լեզվի և գրականության ամբիոնը:
Ներկա էին Հումանիտար գիտությունների ֆակուլտետի պրոֆեսորադասախոսական անձնակազմի ներկայացուցիչներ, մասնակցում էին «Օտար լեզու և գրականություն» մասնագիտության 2-րդ կուրսի ուսանողները:
Միջոցառման լեզուն ոչ միայն անգլերենն էր, այլև ֆրանսերենը և ռուսերենը:
Տոնական միջոցառման ընթացքում ներկայացվեցին Սուրբ Վալենտինի և Սուրբ Սարգսի տոների ծագումը, պատմությունը, ավանդույթները, սովորույթները, խորհրդանիշները:
Ուսանողները նաև կատարեցին սիրո երգեր և բանաստեղծություններ, փոխանակեցին նվերներ:
Միջոցառման վերջում ելույթ ունեցան Անգլերեն լեզվի և գրականության ամբիոնի վարիչի ԺՊ, բ.գ.թ., դոցենտ Ք.Հարությունյանը, ֆրանսերեն լեզվի և գրականության ամբիոնի վարիչ ԺՊ, ասիստենտ Ա.Մարդանյանը: Իրենց ելույթում նրանք ընդգծեցին, որ միջոցառումն անցավ ուրախ և հաճելի մթնոլորտում, ուսանողներին մաղթեցին միշտ սիրել և սիրվել:
Տարածել նյութը
